lafontinne

Fables de Lafontaine en wallon.

Les fåves da Lafontinne e walon.

Dresséye:

Le corbeau et le renard: fable revue et corrigée: par Joseph Bily (accent Famenne-Ardenne): Li cwarnaye èt li rnåd; par Marcel Slangen (accent de Liège): Li cwerbå; version classique par L. Mahin (Accent Ardenne Méridionale): Lu cwarbå et lu rnåd.
Perette et le pot au lait et autres: Les fåves di Lafontinne rimètuwes è patwès d' Châlèrwè pa Lèyon Bernus.
Le loup et l'agneau: Lu leû èt l' agnê (René Dehez, 1985, accent de Malmedy).
Le petit poisson et le pècheur: Li ptit pèxhon eyet l' pèxheu. (Lucien Mahin, 1998, en wallon commun et dans cinq variétés régiolectales du wallon).
La cigale et la fourmi: Li copiche èt l' cok d'awousse (réadapté par Roger Viroux).
L'huître et les plaideurs: Deus inocins et in toursiveus (Bernard Jacob, 1998).
La poule aux œufs d' or. La pouye qui pounét dès-ieus an-ôr (Bernard Jacob, 1998).
Page des fables de Lafontaine en wallon nomalisé. Lafontinne e rfondou.

Lu Leû et l' Agnê.

On djonne agnê, tot blanc moussî

Su porminéve lu long d' on bî

Laptant calfiye, po stantchî s' seû

One gordjiye d' clére êwe. Vo n' ci k' on leû,

Mâtourné et hêteûs, sûrmint,

Ahourteye lu ptit inocin.

" Du cwin dreût troubèles tu m' brèvèdje ? "

Lyi zinguèle-t i è plin vizèdje.

L' agnê prind sogne et lyi respond

" A beûre, dju n' troubèle rin, nèdon "

" Tu l' troubèles, di-dj', et n' respond nin,

Ca si c' n' est ti, c' est tes parints "

" Cumint ? dju n' a ni pére, ni mére... "

Respond l' agnê. " Adon, c ' est t' frére "

" Mins djâme, dju n' a ni frére, ni soûr;

Dju so seûl so tère, a ci djoûr "

Min l' moudrêre nu s' lêt pus rin dire

Et dvore l' inocint tot ètîr.

C ' est l' pus fwârt k' a lu dièrin mot

Et s' sèreût i minme lu pus sot.

Insi va l' monde, mes bravès djins,

Et vos sohêts n' î candjront rin.

René Dehez (Fré Tièdôr), divin Les fâves do Fré Tièdôr, Rwèyâl Club Walon, Mâmdi, 1985.

Contact: Renée Boulangier.

Lu cwarbå et lu rnåd.

Mossieu l' cwarbå su èn åbe adjoké

Tunot dins s' betch in crås stofé

Mossieu lu Rnåd k' avot nodé d' å lon

Lî dja tot prindant sn alondon :

" Tins, ké nouvèles, Monsieur Cwarbå ?

Bin, vz astoz co bin pou voste âdje

Dju vos l' djère ! Si vosse bèrdèladje

Russannrot a voste acaytadje

Vos srîz come Madona

Pou les djins d' avårla ! "

Tout binåje, don, l' cwarbå, d' ènn oyu des sifwêtes

Et po mostrer k' ç' astot bin l' vrêy

I drouve si betch a fin miérlådje

Et lêt l' froumadje tumer djus d' l' åbe.

Gn è lu rnåd ki l' apice

Poy k' i n' ratindot k' ça.

Et dire a l' ôte sins ambaras:

" Wèss bin, nwâr djâle !

Séss bin k' t' es pu bièsse ku tes pîs;

Cand tu nn' è yink ki t' frote la mantche

Dumwin û après, i t' amantche ! "

Nosse cwârbå avot sté djondu

" C'est bon pou ç' côp ci, di-st-i

Mês n' saye pår nin d' î co ruvnu

Pasku tu n' m' î rårès chûr pus. "

L. Mahin, pou in dvwar du walon, 4° anéye, sucole du Bûre, lu 10 d' octôbe 2001.

Version normalisée: modêye e rfondou walon.

(Back index par sujet); Alans rzè a l' edesse des sudjets.

(Index par auteur) edesse des oteus

Harmonisation des graphies des textes régiolectaux présentés sur ce site: Årmonujhaedje

(Back homepage) Alans rzè al mwaisse-pådje

(Back textes en wallon commun) Ralans sol pådje des scrijhaedjes e rfondu walon

(Back textes est-wallons) Po raler sol pådje des scrîhèdjes è walon dè Payi d' Lîdje.

(Back thème textes enfants) Alans rzè so les pådjes des scrijhaedjes po ls efants

(Back textes sud-wallons) Alans rza sul pådje des scrîjadjes a walon dul Basse-Årdène